Mag ons Vergeet? by Mev E. Neethling
Mag ons Vergeet? by Mev E. Neethling (Ons Geskiedenis-Serie)
Toestand: Goed
Formaat: Hardeband
Bladsye: 197
Uitgegee: 1942 Derde uitgawe (Nasionale Pers)
Condition: Very Good+. The green and gold lettering on light brown material boards are slightly shelf rubbed but is in an overall beautiful condition considering the age of this book.The book has no inscriptions and the binding is excellent except for two small "nicks on the middle parts of the spine(See pics)
Uit die inleiding:
In Engeland was daar ‘n party wat van die begin af teen die oorlog was; onder hulle was sir Henry Campbell-Bannerman en Lloyd George. Hulle het gepraat en geskryf teen ‘n oorlog wat hulle bestempel het as onregverdig en gesoek en wat veroorsaak was alleen deur die sug na goud en mag. Op die een of ander manier het hulle gou gehoor van die manier waarop die oorlog gevoer is nadat lord Roberts die Vrystaat binnegetrek het, en hulle het die moed gehad om te protesteer teen die barbaarse manier waarop die Engelse leërmag te werk gegaan het.
Toe dit bekend word hoe huise verbrand, plase verniel, welgestelde vroue van alles, ALLES, beroof en op op trokke na die kampe vervoer is, het ‘n luide kreet van verontwaardiging opgegaan, nie alleen op die vasteland van Europa nie, maar selfs in Engeland. En toe die tyding hulle bereik van die onnatuurlike, ongehoorde sterftesyfer in die kampe, is alle pogings aangewend om die regering te beweeg om ‘n end te maak aan die toestand van ellende. Die Engelse regering het natuurlik vir hom doof gehou, want kon manne soos Chamberlain, Milner, Roberts en Kitchener dan foute maak!
Dit was in dié tyd dat mej. Hobhouse na Suid-Afrika gekom het om ondersoek in te stel. Emily Hobhouse, ‘n fynbeskaafde, welopgevoede dame, moedig en onverskrokke, het vir geen moeilikhede teruggedeins nie en het geweet om amper altyd haar doel te bereik. Met die grootste moeite het sy verlof gekry om die kampe te besoek.
Hierdie boek versamel inligting uit verskeie bronne oor die ondervindings tydens die oorlog, veral die vernietiging van eiendom en die konsentrasiekampe.
