Driehonderd jaar Nasiebou Stamouers van die Afrikanervolk deur Dr D.F. Du T. Malherbe

Driehonderd jaar Nasiebou Stamouers van die Afrikanervolk deur Dr D.F. Du T. Malherbe (Afrikaans)

Hardcover
Publisher: Tegniek, Stellenbosch, 1959 First edition.

Condition: Very Good. The dark blue faux leather boards with gilt  lettering on the front cover face and spine spine, without a DJ are very slightly shelf rubbed and edge worn/bumped. This book was read and enjoyed but is still overall very good. The book has one small and neat name inscriptions on the verso of the front cover and the binding is excellent.

Hierdie is ‘n register van die stamouers van die Afrikanervolk.

WOORDJIE VOORAF

Die bekende Geslacht-register der Oude Kaapsche Familiën van C. C. de Villiers is baie jare al die gesogte werk gewees vir diegene wat iets van die oorsprong en voorgeslag van Afrikaner-families wou weet.

Dr. Malherbe het nou daardie groot werk verder gevoer deur besonderhede te verskaf in verband met families wat nie in die Geslagsregister genoem word nie en ook van later aankomelinge. Dit is ‘n kolossale werk wat stellig baie navorsing en studie vereis het, en wat ongetwyfeld deur baie verwelkom sal word. Baie Afrikaners is geneig om te min waarde te heg aan hul a.fkoms en stem miskien saam met die Engelsman wat gesê het: „I prefer to be an ancestor myself”. Daar sit ook iets in, want as ‘n mens vir jou vordering in die lewe net op jou afkoms staatmaak, dan gaan jy heelwaarskynlik ‘n hopelose mislukking wees. Maar dit is ongetwyfeld waar dat die bewussyn van waardige voorouers in baie gevalle ‘n spoorslag kan wees om ‘n lewe te voer wat hulle waardig sal wees.

Soos Dr. Malherbe dit uitdruk in sy inleiding, „Familietrots, volksliefde, bodem- en kerkvastheid behoort tot die noodsaaklike ankers van die lewe om koers te hou op die Pad van Suid-Afrika”. Dit neem nie weg dat in die lewe dit noodsaaklik is om op eie inisiatief en deursettingsvermoë te vertrou en nie net op afkoms nie.

Vir elkeen pas die leuse „Moedig vooruit”. Daar is ‘n waardevolle inleiding tot Dr. Malherbe se werk wat interessante gegewens gee oor sommige families en waarin hy die bloedsamestelling van die Afrikanervolk bespreek. Sy taak het ingesluit die nagaan van die bydrae van Engelse en Duitse families wat nie in de Villiers se werk bevat is nie. Ek wens Dr. Malherbe geluk met die voltooiing van sy groot werk en vertrou dat dit in wye kringe bekend sal word.

— E. G. JANSEN